भोलि सहमतीय प्रधानमन्त्रीको टुंगो लाग्ने सम्भावना : खनाल
काठमाडौ, पुस ८ - एमाले अध्यक्ष झलनाथ  खनालले भोलिसम्ममा देशले सहमतीय प्रधानमन्त्री पाउने सम्भावना बढेको बताएका छन् । राष्ट्रपतिसँग भएको दुईघण्टे वार्तापछि बाहिर निस्किएका खनालले भोली निकास निस्कने आशा व्यक्त गरे ।
५ औं पटकसम्म म्याद दिंदा पनि प्रमुख दलले सहमतीय प्रधानमन्त्री छान्न नसकेपछि राष्ट्रपति रामवरण यादवले छलफलका लागि भोली बिहान बिघटित संबिधानसभामा प्रतिनिधित्व गर्ने सबै दललाई बोलाएका छन् ।
राष्ट्रपतिसँगको भेटबाट बाहिरिंदै कांग्रेस महामन्त्री कृष्णप्रसाद सिटौलाले भोलिको बैठकमा सहमतीय सरकार र प्रधानमन्त्रीबारे प्रस्ताव लगिने जानकारी दिए । यद्यपि उनले प्रधानमन्त्रीको लागि कसको नाम प्रस्ताव गरिने हो भन्ने खुलाएनन् ।
राष्ट्रपतिले दिउँसो २ बजेदेखि ४ बजेसम्म प्रमुख तीन दल र मधेसी मोर्चाका प्रतिनिधिसँग निकासबारे छलफल गरेका थिए ।
भारतमा हुने एक कार्यक्रममा सहभागी हुने राष्ट्रपति यादव भोलि भारत जाने कार्यक्रम छ । राष्ट्रपतिले आफू भारत भ्रमण जानुअघि नै सहमतीय प्रधानमन्त्रीको टुंगो लगाउन प्रमुख दलहरुलाई आग्रह गरेको बुझिएको छ । | सचिन तेन्दुलकरले लिए सन्यास
नयाँदिल्ली, पुस ८ - भारतीय क्रिकेट मास्टर ब्लास्टर सचिन तेन्दुलकर ले भारत-पाक क्रिकेट सिरिसअघि आइतबार वन-डे क्रिकेटबाट सन्यास लिने घोषणा गरेका छन् ।
बीसीसीआईका सचिव सञ्ज जगदाले विज्ञप्ती जारी गर्दै सचिनको सन्यास घोषणा गरेका हुन् । सचिनलाई भारतमा 'क्रिकेट भगवान' भनिन्छ ।
'मैले वन डे खेलपछि सन्यास लिने फैसला गरेको छु,' सचिनले विज्ञप्तीमा भनेका छन्, 'सन् २०१५ को विश्वकपको तयारीस्वरुप अब बन्ने टिमलाई शुभकामना दिन चाहन्छु ।
'
भारत-पाक वन डे खेलको टिम घोषणा हुने दिन सचिनको सन्यास घोषणा सार्वजनिक भएको हो ।
टेलिभिजन च्यानल सीएनएन आईबीएनसँग कुरा गर्दै पूर्व चयनकर्ता श्रीकान्तले सचिनको घोषणाले आश्चार्य चकित बनाएको बताए ।
सचिनले ४६३ वन डे म्याच खेलेका छन् । उनले १८ हजार ४ सय २६ रन बनाएका छन् ।
वन डे म्याचमा उनले सर्वाधिक २०० अंक जोडेका छन् । |
No comments:
Post a Comment